-=FIRST TIME=-

Ang onti lang talaga ng nangyari. Onti lang talaga. Wag nyong pansinin ang buong entry kasi mukha syang mahaba pero onti lang talaga ang nangyari nitong mga nagdaang araw.

Una.. Nung May 24 Thursday eh nag-enrol na ko sa Trinity University of Asia. May kadilaan naman ang pagpunta dun dahil hindi ganun kalayo pero may mga nananakot sakin na maraming snatcher at holdaper sa cubao kung saan kelangan kong bumaba para sumakay naman ng EspaÑa. Pero tapangan lang ang loob at magpusturang kunwari eh matapang ka talaga habang may hawak ka ng cellphone at naka i-pod pa eh dapat matapang ka parin. haha!
Puro ako jeep at walang aircon akong sasakyan kaya magandang me dala akong pamaypay lagi at payong. Sayang at masarap pa naman sa lrt at mrt.
Ayun nga… nakapag enrol nako. May mga cuties sa school ko at may mga FG din na hindi mawawala. FG <--feeling ganda. Ang iingay nila pero nakakaenjoy kasi maririnig mo usapan nila. Nyahaha.. mga topic tungkol sa school, syota, family, friendster at iba pa. Maaliw ka dahil makakalimutan mong may problema ka pala na dapat hanapan ng sulusyon. Nyahahaha!

Nakakapagod ang pag-eenrol lalo na't first time kong mag-enrol para sa college. Pero nakakatuwa naman kasi bagong mundo nanaman eh. Mundong para kang bagong silang. This time.. yoko ng gawing komplikado ang lahat. Kakayanin kong mag-aaral lang talaga ako. Kakayanin ko. (gudluck… sabi ni Casper).

Dahil pagod sa pag-eenrol eh niyaya ako ng ate ko pati ang kaybigan nya na mamasyal muna at makabili narin ng school shoes. May 25. Pumunta kami sa Trinoma.. first time ko. Ang ganda.. parang pinagsamang Market Market at Glorieta. Nakakatuwa kasi may garden sila sa itaas. Astig. Sarap tambayan. Hindi ko nakuhanan ng picture kasi parang di ko feel.. hindi ko magawang ilabas yung camera at para kumuha ng kung ano-anong maganda.

Pumunta din kami MOA at first time ko rin. actually hindi talaga, nakapunta nako MOA yun nga lang hindi pa sya gawa nun. hehe. Wala rin akong nakuhanan ni isa kasi nag shu-shoe hunt kami simula palang ng nasa Trinoma kami. Walang kagandahan sa Rockport at 2500 lang budget ko. Walang half-size ang Hush Puppies kaya wala talaga. May nakita kami sa Mendrez na ang ganda talaga… pwede pa akong bumili ng 2. Kaso… tae! Ung isa, walang size para sakin, yung isa.. last pair na eh may sira ng bahagya kaya sabi ko eh aalis nalang ako bukas para pumunta sa ibang branch ng Mendrez.

Kakain na kami.. yipee.. around 10 na nun pero hindi pa kami kumakain ng dinner. Kakain kami sa Wai Ying Fastfood sa Binondo. First time ko rin pumunta dun. Pag-punta namin eh walangjohpay! Under construction daw.. sarado! Wah! buti nalang na may ibang branch pa dun ng Wai Ying.. malapit lang. Pwedeng lakarin ang lapit nito. Kaya ayun.. weee… saya. Pagpasok nga lang namin eh waiting kami sa dami ng taong gustong kumain doon. Ang nakakatawa pa nyan eh lahat ng nandon eh singkit. May mga lahing chinese ata lahat. Buti nalang singkit ako, baka kasi bawal ang hindi singkit. Nakakain din kami agad at kain agad kaya hindi ko naiispang picturan agad ang mga pagkain kasi gutom na gutom na talaga ako. Ang sarap grabe! Lalo na ang chiken feet.

Ayun pagtapos kumain eh naisipan ng ate ko na pasalubungan ina namin kasi galit na eh. Pinapauwi na kami. Ayun… bumili kami ng lai-che… yung prutas. Di ko lam spell eh. Hehe. Ang tamis nya grabe! First time ko rin kumain nun. 1kilo kalahati eh nasa halagang 120. Pwede na.. sarap naman eh. Ayun.. umuwi din kami na parang wala lang. Wala akong nabiling sapatos pero nakabili ako ng payong na Fibrella.. ganda ng kulay at cap sa Artwork na hindi naman talaga kasama sa budget. Hehe.

Nakakain na ako ng Pitchi-pitchi.. first time ko rin kumain nun. SARAP! cheese yung nasa ibabaw. the best...